Ezaugarri administratiboak

Lea Ibarrak 76,3 km²-ko azalera du bere osoan eta Bizkaiko lurraldearen % 6,9 hartzen du.
Zazpi herri aurkituko ditugu Lea ibaiaren arroan iladan. Hegotik iparrerako noranzkoa hartuta, zazpi herri horietatik lehena Munitibar dugu, eta ibarrari
hego-muga ezartzen dion mendiaren magalean kokatuta dago. Udalerri honek, 24,5 km²-ko azaleran, herri-kaskoa eta lau auzune biltzen ditu: Berreño, Aldaka, Gerrika, Gerrikaitz eta Totorika.
Aulesti dugu bigarrena. Bedartzandi eta Iluntzar mendien artean dago kokatuta eta 25,2
km²-ko azalera du. Herriko kaskoa alde batera utzita, bederatzi auzune biltzen ditu: Goierri, Ibarrola, Narea, Malax, San Anton, Urriola, Zubero, Solaguren eta Garaurre.
Hirugarrenak, Gizaburuagak, 6,3 km²-ko azalera du eta lau dira bere auzuneak: Eguen, Lariz, Laxier eta Okamika (bertan dago Lea Ibarrak duen industrialde bakarra).
Amoroto (hegotik hasita laugarrena) tontor batean kokatuta dago, 13,4 km²-ko azalera du eta lau auzotan banatuta dago (Elexalde, Odiaga, Ugaran eta Urrutia).
Mendexak kostaldea eta mendia batzen ditu, 6,9 km²-ko azaleran. Lau auzok osatzen dute udalerria: Iturretak, Leagik, Likonak eta Zelaiak.
Aipaturiko bost udalerri hauek oso antzekoak ditugu, bai izaeraz eta bai bilakaeraz. Elkarrekiko loturak ere, estu bezain emankorrak dira. Eskualde enparauarekin erkatzen baditugu, ordea, desberdintasun handiak eta hartu-eman azalekoagoak nabarmentzen dira.
Beste bi udalerri ere bustitzen ditu Leak bere ibilbidearen hondarrean: Ispaster eta Lekeitio.

BIZKAIKO ESKUALDEAK
1.- LEA-ARTIBAI 2.- Gernika-Bermeo 3.- Durangaldea 4.- Plentzia-Mungia 5.- Arratia-Nerbioi 6.- Bilbo Handia 7.- Enkartazioak

azalera (km2) biztanle dentsitatea Munitibar 24,5 16,2 Aulesti 25,2 26,1 Gizaburuaga 6,3 21,9 Amoroto 13,4 28,0 Mendexa 6,9 49,0 LEA IBARRA 76,3 25,0 Berriatu 19,8 49,4 Etxebarria 17,7 44,5 Ispaster 22,7 27,5 Lekeitio 1,8 4127,8 Markina 63,9 73,8 Ondarroa 3,6 2846,4 LEA-ARTIBAI 205,8 129,6 BIZKAIA 2384,0 514,2