Lea Ibarra Amankomunazgoa - Munitibar - Aulesti - Gizaburuaga - Amoroto - Mendexa

Amorotoko Baserri bat

Turismoa - Txangoak - Mendexa

Baurdotik Barrena, Kostako Errepidera.

Baurdotik Barrena, Kostako Errepidera.

Mendexako Zelaia auzotik abiatuz burutuko dugu ibilbide hau. Bide gurutze baten ondotik eta Iturreta auzoa adierazten duen bidea hartuz hasiko dugu ibilbidea.

Iturreta auzoa igarotzean Ardikei izeneko tontor batetik Telleriara iritziko gara eta azkenik, mahasti batzuk igaro ondoren, Baurdora iritsiko gara, itsasoak eta mendiak bat egiten duten lekura helduz.

Aurrera jarraitzen badugu, kostako errepidera irtengo gara, eta bertatik Ondarroara edota Lekeitiora jotzeko aukera izango dugu.

Oso aldapatsua da ibilbidea. Askok autoz egiten dute.

Kostako Errepidera heltzeko beste bide bat.

Kostako Errepidera heltzeko beste bide bat

Zelaia auzotik abiatuko gara.

Seinaleari jarraiki, Ondarroarako bidea hartu eta Ametzelako parajera heltzen gara.

Hortik haitzetara jaisteko aukera dago.

Leagi kanpinetik Leagi Dorretxera.

Leagi Kanpinetik Leagi Dorretxera

Automobila kanpineko aparkalekuan utzi eta oinez abiatuko gara. Kilometro inguruko ibilbide samurra da, ia aldaparik gabeko ibilaldi polita egin daiteke. Bista ikusgarriak. Kanpinetik bertatik, Lekeitio ikusteaz gain, itsasoaren bista paregabeak daude.

Bidean Gaspar, Aldeko, Aurreko, Santiagoneko, Sebastiñe eta beste hainbat baserri ikusgarri aurkituko ditugu. Herrira doan bideari jarraitzen badiogu, berriz, gurutze eder bat aurkituko dugu.

Leagi Dorretxera heltzean Amorotoko herria ikusten da.
Sebastian baserrian, bestalde, baserriko produktuak eta bertan egindako sagardoa dituzte salgai.

Isuntzako zubitik Ondarroara.

Isuntzako Zubitik Ibilaldia

Oinez nahiz bizikletaz, toki lasaia da.

Jende askok egiten du ibilbide hau. Oinez egitekotan, hiru bat orduko ibilaldia da.

Beste aukera bat ere badaukagu Karraspioko hondartzara joan paseatzera.

Zelaia auzotik Likona auzora.

Zelaia auzotik Likona auzora

Mendexako Zelaian landa-turismoko baserriaren parean dagoen bideari jarraitu eta, Iturraspe baserrira heldutakoan, ezkerretara dagoen bidezidorrari jarraituko diogu, Pauko mendiaren eskuin aldetik kostaldera irtenez.

Ezkerraldean, 500 metro ingurura, Endai kanpina aurkituko dugu. Hemendik Likona auzora hel gaitezke mendiz. Aurrerago jarraituta Lekeitioraino helduko ginateke.

Ibilbide hau ez dago autoz egiterik.

Cookie-en Erabilera:
Leaibarra.com-ek, geure eta beste batzuen cookieak erabiltzen ditugu nabigatzeko esperientzia hobetzeko. Nabigatzen jarraitzen baduzu, gure cookien politika onartzen duzula ulertuko dugu.
Lea Ibarrako Udal Mankomunazgoa, Elexalde 1 - 48289 GIZABURUAGA - Tel: 946842982 - Emaila: leaibarra@bizkaia.org - Web-Mapa - Irisgarritasuna - Lege-oharra - Cookie